Lagu Anak Tupai

TUPAI

ado seko anok tupa
atah jula mokte
kudung eko perut lapa
jale cari make



kejadie tuhe
dipanggil namo tupa
asanyo dale hute
sejenih mamalia

kalu pasa jakit kot dehe
diolah yang paling panda
jatuh jare jare
kerano dio tok sobar


sepanda panda tupa melopat
jatuh tanoh jugok
nok wi gamba ore jahat
jange telajak bangok

ore jame ari tu
pakat hambat tupa
bimbe ko woh kayu
takut tokde besar

nyo durie duku
kalu de nyo kerik tupa
pendek tahun tu
nyo durie tokde nak jual

ore skampung tupa seko
berambak hari hari
nyo pakat likung nyo pakat pekong
tupa tokleh lari

setakat bedil ado
tupa habih mati
hok ni lah sayo raso
kito sangak rugi



kito manusio
tinggi mano pung kito ngaji
nok wak tupa seko
tentu skali doh tok jadi

lonih kampung atau bandar
jare bulih tengok
bapak tupa ibu tupa
jale bowok anok

raso sie sungguh
tengok seko anok tupa
kerano telajok kuruh
sapa tokleh (nok) niti pagar



bulu bulu pung habih luruh
air mato bera bera
mari dale baruh
bokali kene racun tebaka